Ahmeti: Shqipja është zyrtare, e barabartë me gjuhën maqedonase

Published on 21-09-2017

Duke folur për arritjet e qeverisë në 100 ditëshin e parë, kryetari i Bashkimit Demokratik për Integrim, Ali Ahmeti, në emisionin “Rruga drejt” në Alsat-M ka thënë se gjuha shqipe po bëhet zyrtare në tërë territorin e vendit dhe në të gjitha institucionet e shtetit.

“Shqipja është zyrtare, përveç në komunikimet ndërkombëtare dhe dy çështjet që kanë shkuar për interpretim në Komisionin e Venedikut, ajo për monedhat dhe uniformat e armatës dhe policëve. Ndryshe, gjuha shqipe gjithandej është zyrtare – shkruhet, flitet dhe arkivohet në të gjitha institucionet e shtetit.

Dëgjoj që dikush kapet për fjalën ’20 për qind’. E rëndësishme është përmbajtja e Ligjit dhe jo thënia 20 për qind, sepse drafti i parë i ligjit është ‘gjuha shqipe’ dhe këtu duhet të kemi parasysh se fjala e fundit ishte fjala e Ushtrisë Çlirimtare Kombëtare.

Dhe, ne vendosëm se thënia ‘20 për qind’ nuk është asgjë në krahasim më përmbajtjen, konkretisht zyrtarizmit të tërësisëhm të shqipes”, u shpreh ndër të tjera Ali Ahmeti. /albeu.com/

Enjoyed this video?
ahmeti
"No Thanks. Please Close This Box!"