Këto janë dy lagjet me ajrin më të ndotur në Prishtinë

Published on 01-12-2016

4

Prishtina është ballafaquar në vazhdimësi me ndotje të ajrit në përmasa të mëdha. Megjithatë, ndotja nuk është e përmasave të njëjta në të gjitha pjesët e kryeqytetit, shkruan sot “Koha Ditore”.
Gjatë verës dy lagjet me më së shumti ndotje të ajrit nga sulfuri i hidrogjenit ishin “Dardania” dhe “Kodra e Trimave”. Kjo e fundit, po ashtu prin edhe në listën e lagjeve më të pluhurosura, bashkë me “Bregun e Diellit”.

Këto të dhëna ia konfirmojnë KD-së edhe drejtues të Komunës së Prishtinës, ku KD-ja ka drejtuar pyetje, lidhur me cilësinë e ajrit në kryeqytet dhe nëse ajo matet dhe vëzhgohet vazhdimisht. Lidhur me atë se çfarë po tregojnë qendrat e matjes së ndotjes së ajrit në Prishtinë, KD-ja ka marrë një raport të shkruar nga komuna, në të cilin thuhet se gjatë shqyrtimit të raportit pesëmujor të cilësisë së ajrit, sensorët kanë regjistruar ndotje të dukshme të ajrit, por gjithmonë brenda vlerave të lejuara.

 

Enjoyed this video?
4
"No Thanks. Please Close This Box!"