Largimi i Ronaldos nga Real Madrid? Kush janë 4 zëvendësuesit më potentë

Published on 17-06-2017

Me largimin e Cristiano Ronaldo, që me kalimin e orëve po shndërrohet nga një ëndërr e keqe në një realitet të hidhur për Real Madrid, klubi “Los Blancos” do të përfitojë një shifër financiare të padëgjuar ndonjëherë, më shumë se 300 milionë euro. Në mënyrë indirekte edhe Monaco, Juventus, Dortmund apo Bayern mund të mbushin arkat e tyre nga largimi i Ronaldos nga “Bernabeu”, sepse një pjesë të këtyre paràve do të shpenzohen nga kampionët e Europës, për të marrë zëvendësuesin e “CR7”. Ja cilët janë disa nga kandidatët realë që mund të bashkohen formacionit të Zinedine Zidane…

Mbappé (Mónaco)

Eshtë objektivi i madh gjatë kësaj vere për Real Madrid. Shpërthimi i tij në moshën 18-vjeçare i ka lënë të gjithë pa fjalë. Eshtë shpresa e madhe e futbollit francez dhe para disa ditës e pranoi dashurinë për Real Madrid duke postuar një fotografi kur ishte 14 vjeç, në krah të Ronaldo, pas një vizite në Valdebebas. Zidan mund të jetë njeriu i duhur, por në rast se do të shiten Ronaldo, James Rodriguez dhe Alvaro Morata, të gjithë do e dinë se Real do të jetë “i mbushur” me parà dhe Monaco do pretendojë të paktën 135 milionë euro për Mbappe.

Dybala (Juventus)

Pas Mbappe, Paulo Dybala është i dyti futbollist që ende nuk ka mbushur 23 vjeç dhe ka vlerën reale të merkatos mbi 65 milionë euro. Sipas një studimi të “Transfermarkt”, vetëm 11 futbollistë të tjerë në botë kushtojnë më shumë se Dybala. Në muajin prill argjentinasi rinovon me Juventus, që në këtë mënyrë e largoi nga kthetrat e ekipeve spanjolle, por ai vetë do të pranonte me kënaqësi një kalim në “Bernabeu”, nëse Real paguan 70 milionë euro, duke plotësuar kërkesat financiare të Juventus. “Zidane ka qenë idhulli im si futbollist dhe po tregon që është edhe një trajner i madh.”

Dembelé (Dortmund)

Një nga futbollistët më të mirë të Borussia Dortmund ka befasuar që në hapat e para të karrierës për mënyrën si luan dhe efikasitetin para portës kundërshtare. Do të ishte një profil i zgjedhur për të zëvendësuar vendin e lënë bosh nga Cristiano Ronaldo, në sistemin e lojës së skuadrës së drejtuar nga Zidane. Do të ishte një blerje më ekonomike se Dybala apo Mbappe, por njëkohësisht mund të jetë edhe një blerje e dytë, krahas dy emrave të lartpërmendur. Real do ta largonte francezi edhe nga radarët e Barcelonës, që e ka piketuar prej kohësh

Leëandoëski (Bayern)

Do të vinte te Real Madrid në moshën 28-vjeçare, në kulmin e karrierës dhe me një trajektore golash mbresëlënëse. Leëandoëski nuk do të ishte një zëvendësues natyral i Ronaldo, ai luan më shumë në vendin e Benzema dhe ndoshta, pavarësisht se jep garanci maksimale, ka më pak mundësi se Mbappe apo Dybala që të veshë fanellën e Real. Faktikisht, mundësitë që polaku të shkojë me “Los Blancos” janë të njëjta me ato të një tjetër 28-vjeçari që luan në Bundesliga, Aubameyang.

Enjoyed this video?
cristiano-ronaldo-cropped_19uuwguox36z01a0lrw3byn64t
"No Thanks. Please Close This Box!"