Putin me një fotografi në duart e tij udhëhoqi një kolonë prej 800 mijë njerëzve! (Video)

Published on 10-05-2017

Qindra mijëra njerëz kanë marshuar në mbarë botën me portrete të të afërmve të tyre që luftuan nazizmin në Luftën e Dytë Botërore, në një traditë që filloi në Rusi një dekadë më parë.

Siç shkruajnë mediat e huaja, përcjell Telegrafi, rrugët e Moskës panë mbi 800,000 pjesëmarrës, gjë që është bërë një rekord absolut për ngjarjen.

Pjesëmarrës në këtë ngjarje ka qenë edhe presidenti rus, Vladimir Putin.

Në Ditën e Fitores, më 9 maj, më shumë se 800,000 njerëz u bashkuan me marshimin e “Regjimentit të Pavdekshëm” në kryeqytetin rus, sipas Ministrisë së Brendshme të Rusisë.

Njerëzit kishin “mbuluar” Rrugën Tverskaya, një nga arteriet kryesore të Moskës, dhe marshuan drejt Sheshit të Kuq duke mbajtur pankarta dhe fotografi të anëtarëve të familjes së tyre.

Pjesëmarrësit e “Regjimentit të Pavdekshëm” duhej të përballeshin me një situatë jo të favorshme, pasi derisa po zhvillohej marshi, Moska ishte përfshirë nga shiu dhe erë të ftohtë, pasi temperaturat në Moskë ishin jashtëzakonisht të ulëta për këtë kohë të vitit. /Telegrafi/

Enjoyed this video?
putin-1-e1494402406221-780x439
"No Thanks. Please Close This Box!"