Shkëndija, fitore e dyfishtë ndaj Pelisterit (VIDEO)

Published on 01-06-2017

Shkëndija, fitore e dyfishtë ndaj Pelisterit (VIDEO)

Debutojnë në kampionat të rinjtë Çilafi dhe Agushi. Sot fitorja më e madhe nuk ishin tre pikët, por e ardhmja. Kjo ndeshje tregoi se Shkëndija ka një të ardhme të ndritshme, pasi akademia ka përgatitur talentë që kanë kapacitet të bartin barën e klubit në një të ardhme të afërt. Ky është tregues për punën e mirë që bëhet vite me rradhë në Akademinë e klubit.Shkëndija në këtë ndeshje vinte me formacion krejtësisht të ri, me vetëm Pollozhanin, Juffon dhe Abdurahimin nga lojtarët më me përvojë dhe të rinjtë Murati, Totre e Zejnullai që kanë pasur minuta edhe në ndeshjet paraprake. Juffo dhe Abdurahimi sollën kanosjet e para, që nuk sollën ndryshim, ndërsa Pelisteri avansoi në mundësinë e parë që kishte. “Kuqezinjtë” humbën topin në mesfushë, ndërsa Ilijoski realizoi për 0:1. Shkëndija në vazhdim sulmoi duke kërkuar barazimin, mirëpo rezultuan të pasuksesshme disa tentime të Abdurahimit, Muratit dhe Juffos. Shkëndija në pjesën e dytë vazhdoi të sulmojë dhe loja e këtillë solli efekt, duke përmbysur rezultatin në harkun kohor prej vetëm dy minutave me aktorë të njejtë Abdurahimin asistues dhe Asanin realizues. Fillimisht në minutën e 52-të Abdurahimi depërton në krahë dhe asiston në shtyllën e dytë ku Shpend Asani shënon për 1:1. Vetëm dy minuta më vonë sërish Abdurahimi depërton në stilin e tij dhe asiston për Asanin, me këtë të fundit që gjen cepin e portës për epërsi 2:1. Pelisteri nga minuta e 66-të mbeti pa Ilijoskin e ndëshkuar me karton të kuq. Ndërkohë trajneri i Shkëndijës Selimi u dha shans të debutojnë në kampionat të rinjëve Çilafi e Agushi, ndërsa nga minuta e 73-të kapiten i ekipit ishte Bashkim Lama që hyri në vend të Asanit, por pranoi shiritin nga Pollozhani. Shkëndija deri në fund pati disa mundësi për golin e katërt, mirëpo në fund takimi u mbyll me shifrat 3:1.

Enjoyed this video?
Shkëndija, fitore e dyfishtë ndaj Pelisterit (VIDEO)
"No Thanks. Please Close This Box!"