Video: Ylli i Kroacisë provokon Rusinë dhe Putin: Lavdi Ukrainës

Published on 08-07-2018

Demagoj Vida ishte një prej protagonistëve kryesorë mbrëmjen e djeshme ndaj Rusisë. Ai shënoi golin e avantazhit të përkohshëm në shtesa. Megjithatë ai mund të mungojë në gjysëmfinalen ndaj Anglisë. Mbrojtësi shfaqet në një video ku thotë “Lavdi Ukrainës”.

vida goli

Në video është edhe ish-futbollisti kroat Ognjen Vukojeviç. Fraza e mësipërme është përdorur gjerësisht nga nacionalistët ukrainas pas aneksimit të Krimesë në vitin 2014. Vukojeviç ka tensionuar më shumë situatën duke shtuar: “Kjo fitore është për Dinamon dhe Ukrainën”. FIFA ka nisur një hetim për këtë video. Vida ka qenë pjesë e Dinamos së Kievit në të kaluarën e tij dhe ai ka sqaruar situatën. “ Kjo fitore është për Kroacinë. Nuk është politikë. Ne po bënim shaka me miqtë që unë kam në Ukrainë. Nuk kishte asnjë kuptim tjetër”, përfundon Vida.

Enjoyed this video?
"No Thanks. Please Close This Box!"