Zyrtare: Polici që nuk përfilli Talat Xhaferin, nuk dënohet

Published on 22-06-2017

Polici i cili nuk përfilli urdhrin e kryetarit të Kuvendit, Talat Xhaferi nuk është dënuar. Në përgjigjen për TV SHENJA, nga Ministria e Punëve të Brendshme kanë thënë se pas kontrollit është vërtetuar se zyrtari policor në rastin konkret ka vepruar në pajtueshmëri më rregullat që vlejnë për të punësuarit e MPB-së dhe Rregullores për rend të brendshëm të Kuvendit të Maqedonisë.

“Kontrolli i brendshëm ka konstatuar se shpejtësia e reagimit të zyrtarit policor në rastin konkret G.S në mënyrë direkte varet nga performansi i pajisjes me të cilat ndiqen zhvillimet në sallën për seanca në Kuvend. Gjatë kësaj i është thënë policit që të ketë parasysh të sipërpërmendurën dhe të reagon sa më shpejt pas kërkesës së Kryetarit të Kuvendit”, kanë thënë nga MPB për TV SHENJA.

Ata kanë shtuar se kanë konstatuar se në aktet ligjore dhe nënligjore ekzistojnë lëshime të shumta rreth veprimit dhe ndërmarrjes së masave të zyrtarëve policor të cilët e sigurojnë Kuvendin ndaj deputetëve me kërkesë të Kryetarit të Kuvendit në raste të prishjes së rendit dhe qetësisë gjatë kohës së seancave.

“Për këtë shkak është iniciuar procedurë në Repartin për mbrojtje të personave të caktuar dhe objekteve pranë MPB-së në bashkëpunim me shërbimet kuvendore për sjelljen e procedurave standarde operative për veprim në raste të tilla”, thuhet më tej në njoftimin e MPB-së. /SHENJA/

Enjoyed this video?
IMG_2464-696x329
"No Thanks. Please Close This Box!"